FANDOM


A luz de Gorgol
Tempada 8, episodio 9
Winx191
Información do episodio
Número de episodio total 191
Data do trinque (Italia) 24 de abril do 2019
Data do trinque (EUA) 2019
Nomes originais
Nome en italiano La luce di Gorgol
Nome en inglés (EUA) The Light of Gorgol
Sucesión de episodios
anterior
Nas profundidades de Andros
seguinte
O espertar da Hidra
Lista de episodios

A luz de Gorgol é o episodio 9 da tempada 8 da serie Winx Club e o episodio 191 en total. Estreouse o 24 de abril do 2019 en Italia.

Argumento Editar

O episodio empeza nas profundidades de Andros, na cova na que se atopa o núcleo de Gorgol. Obscurum causou un derrubamento nas paredes da cova que empezaron a caer sobre Nex e collerano. Mentres que Layla tenta salvar Nex antes de que sexa demasiado tarde, as outras Winx tentan impedir que Obscurum e os seus Staryummys rouben a luz de Gorgol.

Layla finalmente salva Nex, pero mentres tanto, os Staryummys están a absorber toda a enerxía do núcleo de Gorgol, e as Winx non poden facer nada porque os feitizos do Sirenix non son tan fortes. Os Staryummys foxen polos portais coa luz de Gorgol, e finalmente o núcleo de Gorgol apágase. Layla enfádase porque non pode salvar o seu planeta, e as súas amigas tranquilízana. E os Lumens están a ver todo e vanse, asustados.

Na gorida escura de Valtor, os Staryummys veñen polos portais e cospen toda a luz do núcleo de Gorgol no pozo que leva ao trono de Valtor, onde Valtor absorbe a enerxía roubada e obtén máis forza e máis poder. Na cova do núcleo de Gorgol, as Winx din que se usasen o Cosmix poderían devolverlle a luz, pero Musa di que co Cosmix non poderían respirar baixo a auga. Entón Obscurum empeza a atacar as Winx, pero cos ataques, unhas anemones máxicas empezan a espertar. Obscurum vaise.

A cova péchase, e ningún ataque funciona para abrila de novo. As Winx quedaron colleitas, e as anemones máxicas empezan a atacar as Winx inxectando un veleno de sono en Stella e Flora. Layla ataca as anemones, pero estas lanzan burbullas de sono. Nex dille que non ataque as anemones, pero as anemones conseguen durmir tamén Bloom, Musa e Tecna. Entón as anemones atan as cinco Winx. Layla enfádase e grita porque non sabe que pode facer, e Nex dille que ten que existir outro xeito.

Os Lumens do lugar deciden irse, e descóbrese que cando elas cantan, as anemones retíranse. Layla e Nex seguen os Lumens ata a súa cova na que viven, e nesta cova os Lumens de Gorgol explican que as anemones só se defendían dos ataques e non son malas, por iso non as teñen que atacar ou se volverán máis agresivas. Layla decátase que cada vez que atacaron o lugar, as anemones volvíanse máis agresivas.

Layla e Nex volven coas anemones para salvar as súas amigas, pero alí as anemones dormen Nex e tamén o atan. Layla ataca as anemones pero os seus ataques non fan efecto. Entón Layla lembra que o canto dos Lumens fai que as anemones se retiren, polo tanto Layla convence os Lumens a cantar a melodía máis bonita, e a continuación as anemones retíranse e as Winx e Nex espértanse. Entón as anemones bailan coas Winx.

As Winx din que teñen que devolver a luz do núcleo de Gorgol cos seus poderes Cosmix, pero sen o Sirenix non poderán respirar baixo a auga. Pero Layla crea unha burbulla de aire co Morphix, e dentro da burbulla as Winx transfórmanse no Cosmix e usan os seus poderes para restaurar o núcleo de Gorgol. As Winx teñen éxito, e os Lumens agradecen ás Winx porque o núcleo ten luz de novo. As Winx falan con Ligea e comunícanlle que Gorgol recuperou a súa luz. O monstro que enfeitizou Valtor tamén volveu á normalidade.

No palacio de Andros, finalmente Layla dá o seu discurso correctamente, e empeza unha festa. Twinkly ponse contenta, e todos empezan a bailar. Layla e Nex saen do palacio e teñen un momento romántico, mentres que Valtor e Obscurum están a velos desde a súa gorida escura. Valtor castiga Obscurum por fracasar, e logo di que atacará Ipsos, unha estrela situada na constelación da Hidra. Valtor envía Obscurum a roubar a luz de Ipsos, pero prepara unha trampa para as Winx cando viñeren protexer a luz desta estrela.

Feitos importantes Editar

  • Neste episodio revélase que a única transformación coa que as Winx poden respirar baixo a auga é o Sirenix, e que co Cosmix non poden.

Curiosidades Editar

  • Neste episodio aparecen dúas transformacións: o Sirenix e o Cosmix.
  • Neste episodio aparecen os mesmos personaxes que apareceron no episodio anterior.
  • Esta é, posiblemente, a última aparición do Sirenix.

Galería Editar

O conteúdo da comunidade está disponível sob CC-BY-SA salvo indicação em contrário.