A torre vermella é o episodio 21 da tempada 3 da serie Winx Club e o episodio 73 en total. Estreouse o 16 de marzo do 2007 en Italia.
Argumento
O episodio empeza en Alfea, onde Bloom está a adestrarse coas outras Winx. As Pixies chegan, e Bloom explica que para derrotar Valtor, poden probar con Bloom xa que os seus poderes proceden da Chama do Dragón.
Na habitación de Layla, a nai de Layla di á súa filla que ten que aceptar a tradición de casar con Nabu, pero Layla non quere. Tecna chega e di que atopou unha maneira de derrotar a Chama do Dragón e Valtor.
Tecna abre un libro, e informa que se creou unha forza contraria á Chama do Dragón, gardada nas Estrelas de Auga. Tecna explica que os antigos magos reuniron as estrelas de auga e sacáronas da dimensión normal, pero agora están no Reino de Ouro da Torre Vermella.
Unha nave de Fonte Vermella chega a Alfea cos Especialistas, e levan ás Winx cara á Torre Vermella. No espazo, Timmy di que onde debería estar a Torre Vermella, hai un enorme baleiro, e sairán dos límites do Universo.
Layla ve unha sombra que pasa preto dela. Layla lanza Morphix, e atopa Ophir. El vólvese invisible, pero Layla logra coller Ophir e ponlle unhas esposas. Layla di a Ophir que camiñe amodo, e lévao coas outras Winx e os Especialistas.
As Winx preguntan que fai nesta nave, e Ophir di que quería ir cara á Torre Vermella a practicar a súa invisibilidade. As Winx non lle cren, e pensan que traballa para Valtor. Timmy di que agora é o momento de mandar unha videomensaxe a Magix.
Flora empeza a gravar, e aparece Musa pondo as esposas a Ophir. Cando acaban, Timmy advirte que sairán fóra do Universo. Layla di a Ophir que se meta dentro dun cárcere da nave, pero Layla queda atrapada dentro do cárcere con Ophir.
Ophir empeza a falar de cousas de Andros, e Layla ao principio ponse feliz porque a Ophir gústalle a mesma canción que a Layla, pero logo Layla pregunta a Ophir que facía el en Andros. Entón veñen turbulencias, e a nave cae nun planeta.
En Fonte Vermella, Helia está na súa habitación e ve a videomensaxe. Riven está con el, e ao ver a videomensaxe cre que Musa estaba a bicar Ophir. Entón, Riven sae coa súa moto cara á Torre Vermella, a buscar Ophir.
No planeta onde aterraron, as Pixies din que están a sentir o camiño cara á Torre Vermella. Entón uns monstros atacan Digit e Sky, pero Layla colle un dos monstros. Resulta que os monstros só son o ollo dun monstro enorme, e as Winx transfórmanse.
As Winx atacan o monstro, pero o monstro captura Layla. Entón Ophir quítase as esposas e salva a Layla. Pero o monstro continúa a atacar, e entón as Pixies distraen ao monstro para facer un nó cos seus ollos, e as Winx destrúen o monstro.
Layla dáse conta que Ophir podía quitarse as esposas antes, e pide a Layla que llas volva poñer. Timmy está con Piff tentando arranxar a nave, cando atopa Riven. El pregunta por Ophir, e di a Piff que o leve coas outras Winx para falar con Ophir.
As Pixies non poden seguir porque non poden achegarse á Torre Vermella, e teñen que volver á aldea Pixie. As Winx chegan á Torre Vermella, e abren a porta. Alí hai unhas letras, pero veñen uns gardas que atacan Sky e as Winx. Ophir pide que se libere, e ataca un dos gardas.
Outros gardas están a atacar Bloom, cando Layla e Ophir veñen salvar Bloom. Ophir ponse a loitar contra os gardas, e logo vai con Musa. Pero aparece Riven, e di a Ophir que deixe Musa ao chan.
Feitos importantes
- Riven pensa que Musa bicou Ophir (Nabu).
- As Winx van na misión de encontrar as estrelas de auga.
- Layla e Ophir crean un lazo.
- As Winx e os Especialistas chegan á Torre Vermella.
- As Pixies volven á súa aldea.
- Riven e Ophir loitan.
Curiosidades
- Cando Layla estaba a ser perseguida polos centauros, o esquema de cores da súa roupa Enchantix brevemente é alterado de novo a azul, amarelo e maxenta.
- Cando Riven estaba a pilotar a súa moto cara ás Winx, aos especialistas e ás Pixies, Piff non estaba presente con el.
Galería
