Acheron é o episodio 25 da tempada 6 da serie Winx Club e o episodio 155 en total. Estreouse o 3 de agosto do 2014 en Italia.
Argumento[]
O episodio empeza en Alfea, onde as Winx están a debater sobre o que poderían ofrecer a cambio pola chave do Legendarium con Rumpelstiltskin. Stella empeza a facer propostas, e ao principio crea un xeado con sabores innumerables, e dállo a Musa. Pero Musa non pode coller o xeado que non para de aparecer, e cae sobre ela. Despois propón un chapeu para tódalas estacións e dállo a Layla, pero perde o control do feitizo e Layla enfádase. Stella quere propor algo máis, pero Bloom faina parar.
Entón aparece Eldora contenta e dálles ás Winx unha caixa chamada “Caixa Infinda”, e dilles que agora poderán cambiarlla coa chave a Rumpelstiltskin. Eldora di que nesta caixa poderán gardar todo o que quixeren. Mentres tanto, Daphne está a mirar pola fiestra. Bloom pregúntalle que pasa, e Daphne di que está emocionada porque casará con Thoren. As Winx din que lle prepararán a Daphne un traxe e faranlle a voda máis bonita que nunca se viu.
No cuarto das Winx, Stella créalle a Daphne un traxe especial para a ocasión, e Layla decórao con Morphix. Bloom regálalle unha diadema azul celeste mentres que Tecna a ilumina, Musa ofrécelle un par de zapatos musicais, e Flora dálle un ramo de flores rosas. Daphne estálles agradecida e dilles que todas estas decoracións son demasiado bonitas para ela, pero as Winx din que as merece.
Entón tódalas fadas van a Domino porque alí terá lugar a voda. En Domino, as Winx, as Pixies, os Especialistas e mailos Paladinos prepáranse para a voda. Thoren olla cara ao ceo mentres que Daphne chega nunha carruaxe tirada por Peg (a egua que os pais de Bloom lle regalaron á súa filla na película Winx Club II: A aventura máxica). Daphne baixa da carruaxe, e Musa ponlle uns obxectos decorativos sobre os zapatos de Daphne. Thoren está á espera da súa noiva, e toda a xente, incluíndo os pais de Bloom e de Daphne, forman parte con entusiasmo na cerimonia.
En Torre de Nubes, as Trix ven Selina e Icy pregúntalle que pasa. Selina dilles que agora posúe unha parte da Chama do Dragón que lla roubara a Bloom durante o seu duelo, sorprendendo Icy. Entón di que seguirá os seus propios plans de liberar Acheron. Despois Selina libérao e o feiticeiro dilles ás catro bruxas que el creou o Legendarium e explícalles que pretende conquistar a dimensión máxica. As Trix cren que el sería só bo como aliado delas e para os seus plans, pero Acheron non quere compartir os seus poderes con ninguén, e quere dominar a dimensión máxica só. Selina empeza a ter medo e dille que lle prometera ser forte, pero Acheron di que agora pensa noutra cousa. As Trix descobren que Selina xa pretendera apartalas dos seus plans, e enfádanse con ela despois de todo o que fixeran por ela.
Cando as Trix tentan atacar Selina, Acheron atrápaas no mundo do Legendarium, na páxina baleira na que estaba el atrapado antes. Selina corre o máis lonxe posible de Acheron, mentres que o feiticeiro a procura e ela observa que as Trix están atrapadas no libro. Ela vai á oficina de Griffin para contactar telepaticamente con Bloom que a axude. Pero el descóbrea e cos seus poderes fai que Torre de Nubes caia, e sobre todo bloquea tódalas posibles entradas e o acceso aos poderes máxicos.
Mentres tanto a voda en Domino transcorre con normalidade, e Eldora está a piques de casar a parella, pero unhas correntes de enerxía de Acheron pasan por diante deles. Daphne tenta crear unha esfera de poder pero non o consegue, o que significa que os poderes máxicos están bloqueados debido á forte enerxía empregada por Acheron. Bloom oe con todo a mensaxe telepática de Selina e descobre que Acheron está libre. Eldora confirma o dito. As Winx, xa que teñen unha parte da Chama do Dragón, son as únicas persoas ás que non as bloquea o efecto da enerxía desprendida por Acheron. Entón transfórmanse e van a Torre de Nubes.
Acheron obriga Selina a darlle o libro pero ela perde o equilibrio e cae da torre pero co libro. Bloom sálvaa xusto a tempo, mentres que as Winx crean unha converxencia para faceren un círculo ao redor da escola para deixaren a torre no seu sitio. Dentro as bruxas asústanse porque non poden voar. A torre volve ao seu sitio, mentres que as bruxas ven que as Winx lograron facer que a escola quede estable nun só sitio. Acheron está sorprendido, pero volve en si rapidamente e invoca un espírito con forma dun lagarto para atacar as fadas. As Winx tentan atacar, pero a criatura é moi forte e resiste os ataques delas. Bloom e Selina están no chan e Acheron tenta poñerlles fin. Entón Selina pídelle perdón a Bloom e ela dille que a mande ao Legendarium para vencelo. Entón transfórmase en Mythix e vai ao labirinto de Rumpeltilstskin.
No mundo do Legendarium, Acheron entra tamén a por ela, para loitar contra ela. No Legendarium enfróntanse e Bloom descobre que el ten os mesmos poderes ca ela (a Chama do Dragón). Bloom consegue derrotar Acheron utilizando as trampas de Rumpeltilstskin, e aproveitándose desta oportunidade, atrapa Acheron na Caixa Infinda. Ao final, Rumpelstiltskin sae e Bloom intercambia a chave coa caixa que contén Acheron. Rumpelstiltskin está sorprendido coa caixa, pero acepta o troco. Bloom dálle a Rumpelstiltskin a caixa con Acheron e el dálle a chave do Legendarium. Agora coa chave Bloom poderá pechar o libro dunha vez por todas. Só que exactamente cando parecía que rematou a misión, pero as Trix aparecen no horizonte a vingarse. Mentres tanto Rumpelstiltskin entra na casa e faise o non visto. Icy dille a Bloom que Acheron as mandou ao mundo do Legendarium e que Selina as traizoou. Aproveitando que Bloom non está coas Winx, as tres bruxas deciden loitar contra ela e derrotala dunha vez por todas.
Feitos importantes[]
- Acheron é liberado do Legendarium.
- As Trix son atrapadas no Lengadarium por Acheron.
- Acheron é preso na Caixa Infinda.
- Bloom consegue a chave do Legendarium de novo, cando intercambia con Rumpelstiltskin a chave por Acheron.
- As Winx conseguen estabilizar Torre de Nubes.
Curiosidades[]
- Peg reaparece tras estar ausente, sendo a súa última aparición na película Winx Club II: A aventura máxica. Agora a aparencia de Peg foi mellorada.
- Esta é a primeira e a única aparición física de Acheron.
- Esta é a segunda vez que as Trix xuntas entran no mundo do Legendarium.
Galería[]
