O auditorio de ouro é o episodio 5 da tempada 6 da serie Winx Club e o episodio 135 en total. Estreouse o 3 de febreiro do 2014 en Italia.
Argumento[]
A seguir a partir do episodio anterior, Stella salva Layla dun dos raios mortais dos basiliscos voadores. Desgraciadamente, Roy e Nex quedaron petrificados, pero Layla promételles que volverá e salvaraos. Layla e Stella continúan a súa fuga, malia que os basiliscos os seguen.
A batalla continúa mentres os Paladinos e os Especialistas están a loitar contra as bestas, e as Winx tentan correr para salvárense dos ataques no Colexio de Linphea, e mentres tanto, as bruxas de Torre de Nubes están a atacar as fadas.
Musa e Tecna escapan xuntas, e para distraeren o monstro, Musa ponlle uns auriculares con música perturbadora sobre a testa do animal. Diferente das outras Winx, Flora protexe as súas amigas cos seus novos poderes do Bloomix.
Stella e Layla páranse durante un anaco, para veren que está a suceder. Despois de ver o estado horrible, Layla suxire que fagan un salto mortal triplo para montar unha trampa aos basiliscos. O truco causa que dúas das bestas sexan transformadas en pedra no ar ao ollárense unha á outra.
Layla e Stella volven estar a salvo, mentres que as estatuas dos animais se rompen. Despois de salvaren as alumnas da escola, reducindo a cantidade de basiliscos, Stella e Layla gañan o seu Bloomix. Stella, axiña, lanza un feitizo especial do Bloomix que fai que as estatuas de pedra volvan á normalidade, e a continuación destrúen as bestas.
Mentres tanto, Flora é rodeada por un grupo de bruxas, pero ela atácaas e derrótaas. Bloom e as Trix loitan ferozmente. No entanto, Bloom dilles que Torre de Nubes está a afastarse. Layla, Stella e Flora atópanse con Bloom e únense. As Trix deixan a loita, pero fan unha trampa de lóstregos. Layla forma unha nube Morphix para protexer as Winx.
As alumnas do Colexio de Linphea conmemoran a vitoria e danlles as grazas ás Winx, os Especialistas e os Paladinos por salvaren a escola. Flora e Miele abrázanse, e Flora felicita e incentiva a súa irmá máis nova. Ao final, Miele enxuga unha bágoa en forma de alegría. As Winx volven a Alfea, onde Daphne está á espera delas. Stella dálles ás Winx chapeus novos, que están inspirados na batalla.
Daphne vén máis tarde, pero animadamente dilles a todos que ela e toda a súa clase foron convidados ao Auditorio de Ouro. Musa le a invitación con entusiasmo, afirmando que o Auditorio de Ouro é a facultade de música máis exclusiva na dimensión máxica. Daphne di que non pode esperar e logo ri alegremente, malia que o seu chapeu está a cubrirlle os seus ollos.
No seu cuarto, Musa chama Riven, que estaba a practicar só. Riven non está tan animado como Musa, entón ela lémbralle que sempre falou sobre isto con el. Riven aínda non lle importa isto e continúa o seu adestramento, sen nin mesmo ollar Musa. Entón Musa enxuga as bágoas e dille adeus.
Deprimida e triste, Musa pregúntalle a Tecna que pensa, e Musa só fala consigo mesma con tristeza. Para animarse, comeza a tocar a súa guitarra, pero Tecna dille que faga música máis tarde. Musa e Tecna enfádanse, e Bloom entra no cuarto. Musa e Tecna quéixanselle a Bloom, quen lles aconsella indirectamente a pararen.
Musa di que polo menos ir ao Auditorio de Ouro animaraa. Á mañá seguinte, a clase está nunha viaxe ao Auditorio de Ouro. Musa explica que son as estatuas, e reciben unha saudación de Daphne. Uns momentos despois, Daphne saúda unha vella amiga súa, Diletta, que é a directora da escola.
As Winx e Diletta preséntanse. Diletta, entón, pídelle a Daphne se poden falar en privado. Daphne di ás Winx que poden empezar a explorar a escola, e que ela se lles unirá a elas máis tarde. A continuación ela marcha con Diletta e empezan a camiñar, a falar sobre o ataque do Colexio de Linphea e como son as Trix as responsables.
En Torre de Nubes, as Trix falan sobre as Winx, despois planean o seu próximo ataque, e deixan Selina co seu Legendarium. Un home misterioso, que parece ser o xefe de Selina, fala con Selina dende dentro do Legendarium. No salón do Auditorio de Ouro, as Winx observan unha nena que está a tocar o violín.
As Pixies convidan Stella a ver un piano. Musa explica que o piano é o Gran Piano de Ouro das fadas Mallorix. Stella toca o piano, e Musa di que cada nota produce unha cor de primavera. Layla comeza a tocar un violín máxico, e as outras ollan os instrumentos do salón.
Musa explica unha lenda que dicía que nos subterráneos había un sistema de cavernas, onde unhas criaturas máxicas travesas facían gritos tan altos que podían romper un vaso. Estas criaturas chámanse Espíritos Pandemo. Mentres tanto, en Torre de Nubes, Selina convoca os Espíritos Pandemo usando o seu Legendarium.
Musa e Tecna comezan a discutir, mentres Caramel toca o piano e accidentalmente salta nun tubo. As Pixies axúdana a saír do tubo, pero todas elas son empurradas cara a fóra pola fumareda. As Winx comezan a rir. Pero de súpeto os Espíritos Pandemo atacan. Ao ouvir os sons perigosos, as Winx (excepto Musa e Tecna) transfórmanse.
Os Espíritos Pandemo e as Winx loitan, pero as bestas son máis fortes, e lanzan ondas de son potentes. Musa e Tecna tentan fuxir dos ataques. Para levar as bestas lonxe, Musa toca música. Nun longo camiño, Musa e Tecna xunto coas Pixies aínda están a correr. Tecna empeza a mirar o seu dispositivo.
Tecna di que teñen que levar os Espíritos Pandemo a unha cova próxima, que é a cova Pandemo. Ambas se felicitan unha á outra. As dúas amigas e as Pixies chegan. As bestas finalmente entran e camiñan en dirección a elas. Musa suxire o uso da súa propia voz para dominar o son dos Espíritos Pandemo.
Musa canta ben, e as criaturas admiran a súa voz. Musa consegue formar un escudo ao redor das súas amigas. Tecna e Musa abrázanse. E felizmente, logran gañar o seu Bloomix. Ao combinaren os seus poderes, Tecna e Musa conseguen eliminar os Espíritos Pandemo.
Ao final, Diletta felicita e agradécelles ás Winx por salvaren o Auditorio de Ouro. Ela tamén di que a voz de Musa soará para sempre como un eco no seu salón. Daphne queda sorprendida e despídese dela. As Winx e a xente do Auditorio de Ouro empezan a rir e a aplaudir.
En Alfea, Bloom ve que Tecna e Musa volven ser boas amigas. Bloom ri e pecha a porta do seu cuarto. Mentres tanto, as Trix atacan unha escola do planeta Eraklyon. No entanto, Diaspro vén e decide axudar as Trix. Isto marca a alianza entre as Trix e Diaspro ao final deste episodio.
Feitos importantes[]
- Layla, Stella, Musa e Tecna gañan o seu Bloomix.
- Revélase que Selina recibe ordes de alguén máis escuro atrapado dentro do Legendarium.
- A escola de Linphea é liberada do ataque das Trix.
- Diaspro forma unha alianza coas Trix.
Curiosidades[]
- Diaspro volve neste episodio, co que ela apareceu en tódalas tempadas da serie excepto a tempada 4.
- Tódalas Winx non teñen poderes, pero cando Tecna e Musa foxen do dragón, Musa ponlle uns auriculares con maxia.
- Cando os Espíritos Pandemo atacan Musa, ela usa maxia para coller a frauta, mesmo estando sen poderes.
Galería[]
