O segredo da harmonía

O segredo da harmonía
Información do episodio
Número de episodio total	204
Data do trinque (Italia)	13 de setembro do 2019
Data do trinque (EUA)	2024
Nomes originais
Nome en italiano	Il segreto delľarmonia
Nome en inglés (EUA)	The Secret of Harmony
Sucesión de episodios
anterior	O concurso de baile de Melodía
seguinte	Entre terra e mar

O segredo da harmonía é o episodio 22 da tempada 8 da serie Winx Club e o episodio 204 en total. Estreouse o 13 de setembro do 2019 en Italia.

Argumento

O episodio empeza continuando a historia do episodio anterior, onde en Melodía, Musa atópase en casa do seu pai, Ho-Boe, e descobre que Riven veu visitala. Pero ela non sabe que o mozo se atopa baixo un feitizo hipnótico de Darcy, e a bruxa fai que Riven ataque Musa.

Mentres tanto, na pista de baile da discoteca de Melodía, o concurso de baile continúa e Bloom e Icy enfrontaranse para gañar o premio. Quen gañar o premio, obterá a coroa e a quinta Estrela Primaria, tal como Galatea decidiu. Pero Tecna cre que algo non é correcto, o Cofre das Estrelas dixo que precisan de harmonía para obter a estrela, pero non hai harmonía nun enfrontamento un contra un.

Musa está a ser atacada por Riven, baixo o control de Darcy. Pero Riven resístese, xa que non quere atacar a persoa que quere. Musa decátase que Riven está a ser controlado, e axúdao a resistirse. Riven revela que Darcy está a controlalo, e a bruxa decide aparecer e tentar aumentar o control sobre Riven. Pero Riven consegue expulsar Darcy, e Musa abraza Riven. Eles dous reconcílianse cando Musa se decata que el realmente a quere.

Ho-Boe vén ver que pasa, e saúda Riven. Pero Darcy aínda está decidida a atacalos, Musa fai que o seu pai entre en casa como protección e ela e Riven prepáranse para atacar Darcy, mentres a bruxa chama uns monstros de sombras para que a axuden. Na pista de baile, Bloom gaña Icy. En casa de Musa, Musa decide transformarse, e vendo que os poderes de Musa e as habilidades de Riven son superiores ás súas forzas, Darcy decide retirarse.

Na pista de baile, Bloom e Icy enfróntanse, e finalmente Bloom gaña. Logo sobre a pista de baile Bloom enfróntase con Stormy, e despois de dúas roldas de igualdade, Bloom perde a terceira rolda. En casa de Musa, ela, o seu pai e Riven están a descansar e a falar, e entón Musa vai ao cuarto da arpa da harmonía e empeza a tocar a arpa, e Riven tamén vén tocar a arpa, xa que é preciso de polo menos dúas persoas para poder tocar a arpa da harmonía. Na final do concurso de baile, Layla e Stormy enfrontaranse.

Empeza o baile, e Layla sabe bailar moi ben. Stormy está a piques de perder, cando decide distraer Layla dicíndolle que Darcy non está con elas porque está a atacar Musa e o seu pai. Layla perde a concentración, e debido á distracción de Stormy, perde. Stormy gaña o premio, polo tanto obtén a coroa e a estrela. Pero de súpeto a estrela desaparece da coroa, e teletranspórtase en casa de Musa, encima de Musa e Riven.

Mentres Musa e Riven collen a estrela, Darcy atópase con Stormy e Icy e dilles que non valía a pena atacar Musa. Pero entón un dos monstros de Darcy vén dicir á súa xefa que Musa e Riven teñen a estrela (nunha lingua que só a entende Darcy). Stormy tira a coroa ao chan, e un monstro cóllea e colócaa na súa testa. As Trix veñen coller a estrela en casa de Musa, e nun ataque, Icy conxela Riven.

Musa non pode loitar contra as Trix ela soa, pero as demais Winx veñen axudala. Véndose superadas en número e forzas, as Trix vanse. Bloom usa a Chama do Dragón para desconxelar Riven, e deciden facer un concerto. No concerto, Musa e Riven tocan a arpa da harmonía, mentres Bloom canta e as demais Winx tocan os seus instrumentos. Galatea, Ho-Boe e os demais habitantes de Melodía veñen ver o concerto. Ao final do episodio, Musa e Riven reconcílianse e retoman o noivado.

Feitos importantes

• Musa e Riven empezan a ser noivos de novo.

Curiosidades

• Valtor non aparece nin neste episodio nin no anterior, que ambos forman unha mesma historia que dura dous episodios.
• O problema da relación entre Musa e Riven arránxase neste episodio, onde eles dous empezan a ser noivos de novo.

Galeria